زي مانتا بقلم / شادي حسن

‏

زى_مانتا‬

لسه فاكر شكل صورتك
لسه فاكر لون عنيك
نفس تكشيرتك وخوفك
لسه برضه طبع فيك
لسه حاجه تايهه منك
لسه متلخبط كأنك
طفل ضايعه منه لعبه
لسه برضه الدنيا صعبه
كل يوم بتهد فيك
لسه بتعافر ف حزنك
لسه بتدارى ف دموعك
لسه بتقول بكره ابعد
م اللى فينا وم اللى فيه
رغم كل الهم والاحزان ف قلبك
لسه برضه الغيره طبعك
هى اجمل حاجه فيك
لسه برضه زى مانتا
وكل شىء لايق عليك

بقلم شادي حسن