&& طمعانجى && بقلم / محمد البلاط

طمعانجى بناله بيت

فلاسنجى سكنله فيه
لعب السياسه صعب
يا شيخ ملكش فيه
اللحيه ليها مسجد
و مصلى تصلى فيها
ومعاك مسواك نظيف
وسبحه تعد بيها
لك يا الله بنعبد
عباده ترضى بيها
واللعب مع الكبار
فى لعبة القمار
وازاى اضحك عليك
وازاى اخدها منك
لو حتى كانت فى فمك
يا شيخ مكتش ليك
تعرف تسرق اراضى
وتبيع البحر فاضى
تعرف تقتل وتجلس
على المنصه قاضى
تعرف تهبش وتكبش
والناس فى الطين بتنكش
العب انت فى تجاره
او عنبر وعطاره
يا تلعب فى السياسه
وترفع الستاره
تعرف بكلمه منك
تقود شرطه وجيش
ولما الناس تشوفك
من الخوف الناس تكش
ونصيحه منى ليك
لو كنت شيخ وعابد
وصحيح واعظ وراشد
اخلع منها اديك
اللعبه مش بسيطه
يا ترفع مصر فوق
يا تجبها على الحديده
شوفلك مسك وعنبر
يا تبيع حبة لديده