ﺑﺘﻔﻜﺮ ﻓﻰ ﺇﻳﻪ ﻳﺎ ﻗﻠﻢ بقلم / سعاد قنديل

ﺑﺘﻔﻜﺮ ﻓﻰ ﺇﻳﻪ ﻳﺎ ﻗﻠﻢ
ﻗﻮﻟﻠﻰ ﻳﻤﻜﻦ ﺃﺳﺎﻋﺪﻙ
ﺣﺎﺳﺲ ﺟﻮﺍﻙ ﺑﺄﻟﻢ
ﻭﻛﺘﺮ ﺍﻟﻬﻤﻮﻡ ﻫﺎﺩﻙ
ﻃﺐ ﻟﻴﻪ ﻧﺎﺳﻰ ﺍﻟﻨﻌﻢ
ﻭﺳﺎﻳﺐ ﺍﻟﺤﺰﻥ ﺭﺍﻛﺒﻚ
ﺑﻄﻞ ﺑﻘﻰ ﺗﻬﻤﻬﻢ
ﻣﺎ ﺃﻧﺎ ﻛﻨﺖ ﺯﻣﺎﻥ ﺯﻳﻚ
ﺟﺮﺑﺖ ﺃﻏﻤﺾ ﺛﻮﺍﻧﻰ
ﺣﺴﻴﺖ ﺑﻘﻴﻤﺔ ﻋﻴﻨﻴﺎ
ﻭﻟﻤﺎ ﻛﺘﻔﺖ ﺇﻳﺪﻯ
ﻓﻬﻤﺖ ﻗﻴﻤﺔ ﺍﻟﺤﺮﻳﺔ
ﻗﻄﻌﺖ ﺷﺮﻳﺎﻥ ﻗﻠﺒﻰ
ﻗﺪﺭﺕ ﻧﻌﻤﺔ ﺍﻟﻤﺤﻴﺎ
ﺷﻄﺒﺖ ﺧﺎﻧﺔ ﺻﺤﺎﺑﻰ
ﺍﺷﺘﺎﻗﺖ ﻟﻀﻤﺔ ﺣﻨﻴﺔ
ﺁﺗﺎﺭﻱ ﻣﺤﺴﻮﺑﻚ ﻋﺒﻴﻂ
ﻣﻔﻬﻤﺶ ﻣﻌﻨﻰ ﺍﻟﺪﻧﻴﺎ
ﻣﺎ ﻗﺪﺭﺵ ﻧﺎﺱ ﺣﻮﺍﻟﻴﻪ
ﻭﺟﻮﺩﻫﻢ ﺯﺍﺩ ﻭﻣﻴﺔ
ﻟﻮ ﻓﻰ ﻳﻮﻡ ﻣﺮﺓ ﻏﺎﺑﻮﺍ
ﺗﺴﻮﺀ ﺣﺎﻟﺘﻪ ﺍﻟﻨﻔﺴﻴﺔ
ﻣﺸﺎﺭﻛﻴﻦ ﻣﻌﺎﻩ ﺁﻻﻣﻪ
ﻭﺷﻮﺷﻬﻢ ﻣﺤﻠﻰ ﺍﻟﺒﻬﻴﺔ
ﻃﺐ ﺟﺮﺏ ﻣﺮﺓ ﻳﺎ ﻗﻠﻢ
ﺗﻌﻴﺶ ﻣﻦ ﻏﻴﺮ ﺃﺳﺘﻴﻜﺔ
ﻫﻴﺼﺒﺢ ﻛﻼﻣﻚ ﺷﺨﺒﻄﺔ
ﻭﻭﺟﻮﺩﻙ ﺷﺊ ﺃﻧﺘﻴﻜﺔ
ﻣﻦ ﻛﺘﺮ ﻣﺎ ﺑﺘﻜﺘﺐ ﻏﻠﻂ
ﻭﻣﻔﻴﺶ ﺷﺊ ﻳﻤﺤﻴﻜﺎ
# ﻣﻦ _ ﻭﺣﻰ _ ﺣﺮﻓﻰ