موال ..موثق
من ديواني الاول
...عصفور
..
حالي ياناس
ما بقاش معدول
مع دول ولا مع دول
وما تتفاجئوش
لو اقول
الي خدتني الدنيا
بذنبه ياناس عصفور
اه عصفور ما هو روح
كان عصفور محروم
من امه وابوه
بس لاقوه
الناس وخدوه ربوه
خافوا يتوه
بس العصفور
حاله ما عجبوش
معذور
علشان حبسوه
خافوا يتوه
وبعد مرور ايام وشهور
سمعوه بيقول
احسن لي اموت
بالنار مقتول
ولا اني اعيش
في قفص محبوس
قا موا طاوعوه
وسابوه لسبيله يروح
وبكل غرور
خليته في يوم
واقف علي سور
وجناحه وراه مكسور
خدته رميته
في بيت مهجور
ما فيهوش
ولا هوا ولا نور
وبكل غرور
مليته حروف
وكتبها سطور
في كتاب مقفول
عنوانه الموت م الخوف
م الخوف م الموت
هوا انا جبروت
احساسي مقتول
وضميري معدوم
ازاي علي قلبي
يهون عصفور
من امه وابوه محروم
هوا انا جبروت
لما ما داويتوش
طاب ليه ما سيبتوش
كانوا غيري داوه
وكان طار علي فوق
مع سرب طيور
في غروب وشروق
كان لاقا القوت
وما كنش ياناس
م الجوع هيموت
ربنا موجود
.....حالي ياناس
ما بقاش معدول
مع دول
ولا مع دول
وما تتفاجئوش
لو اقول
الي خدتني الدنيا بذنبه
ياناس عصفور
ماهو روح
..............
علاء زايد
ديواني الاول
ليست هناك تعليقات:
إرسال تعليق