فـــى قلـــب الجــــوف
بقلــــــــــــم
إبتســــــــــام عـــوض حســـــن
فى قلب الخوف
بنتحايل على الأيام
بنتألم ونتوجع
وجوانا مسجون
كلام
فى قلب الخوف
بنهمس همسة
ليوم بكره
حتسمعنا
ولا حنفضل مدارين
ذكرى
فى قلب الخوف
بنسمع صوت
من بعيد
يسأل
حانكون هناطول العمر
ولا حايرجع نبض
لفؤادى
فى قلب الخوف
أحلامنا مسجونه
قضبان حديد
سراديب قديمة
فى أروحنا مسكونة
فى قلب الخوف
أفراحنا تتكسر
ويضيع أمل
أوجاعنا تبقى
أكتر
بنادى على بعضنا
لكن ما نسمعشى
تايهين فى مغارة
ومين قادر
فينا يمشى
فى قلب الخوف
يمكن عيونا تتلاقى
لكن ضايعة
ما نعرف بعض
ما نفهم بعض
لكن شايلانا
نفس الأرض
فى قلب الخوف
جبال وكهوف
وجرحنا بينزف
ويكتب على الحيطان
تعالى شوف
فى قلب الخوف
عمرنا ضايع
ما بيحلمشى
ما بينامشى
بيسمع بس
صوت الخوف
بنتكلم وجوه
جروح
ونتألم ومين
بيبوح
فى قلب الخوف
بقلمـــــــــــ
إبتســــــــام عــوض حســــن
الشاعـــرة المجهولــــة
ليست هناك تعليقات:
إرسال تعليق