&& سدرة المنتهي && بقلم / أم الشعراء سامية سليمان

 

 

 

 

 

 

 

 

 

 

 

 

 

 

 

 

 

 

 

ياسدرة المنتهي
ربك محليكي
العلم بيكي انتهي 

إلا العليم بيكي
نمشي سنين تحتها
ومين يعديكي
جزعك ياسدرة دهب
والسحر ماليكي
والغصن در وعجب
الله ياسدرة عليكي
سبحات بنور ربنا
تضوي تغطيكي
علي كل ورقة ملك
سبّح لباريكي
من نور دا ربي خلق
سبحانه عاطيكي
وملايكة حولك تطوف
وربي راضيكي
وفراش بألوان دهب
بيطير حواليكي
والنبق قد القلل
ومفيش نوي ليكي
والطعم شهد وعسل
سبعين طعام فيكي
واتنين كمان زيهم
والمولي راعيكي
نهرين بيجروا عجب
ياسدرة تحتيكي
واتنين مخبي لنا
ربي ف واديكي
والعرش جنبك هَنا
بالنور يهاديكي
والمأوي فيها الشهيد
روحه تحييكي
سبحانه اللي وهب
كل الجمال فيكي
ويابخته اللي انوعد
وف يوم يوافيكي
ياسدرة المنتهي
ربك محليكي