وليه اندم بقلم أم الشعراء سامية سليمان

احلى الكلام

وليه اندم
-----------
فاكر حاندم مرة عليك
وابكي واقول
شبيك لبيك 
عبدك خاضع
ملك اديك
ودموعي حتسيل
ع الخد
وبعد ماهانت
العشرة عليك
ونسيت حبي
وشوقي إليك
وقلبي وعمري
هانوا عليك
حافضل عمري
صاينة العهد

وليه اندم مادمت انت
اللي خنت العهد
وليه اندم مادام قلبك
قدر ع الرفض
وليه اندم وكان حبي
يفوق الحد

بتظلمني
وبتلاقي رضا وسماح
وتحرمني
وباتحمل عشان ترتاح
وأقرَّب لك
تدوقني مرار الصد

زرعت ف قلبي لعيونه
ورود وشموع
غرس لي الشوك
ورويته بأغلي دموع
وليه اندم وباجني الشوك
بدال الورد

وقلت حبيبي
وحياتي معاه أفراح
قضيت وياه
سنين عمري
آلام وجراح
وليه اندم وقلبي خلاص
قدر ع الرد

أم الشعراء
سامية سليمان