انسان بقلم / صلاح الصغير

انسان
======
لا انا شاعر ولافنان
ولا ساحر ولا م الجان
انامجرد يدوب انسان
بكتب اللى على بالى
=-=-=-=-=-=-
من حب لكره لفرح لاحزان
وعالحيره وعالغيره وعن التوهان
وعالرايق وعالفايق وعالسكران
وكتير بلالى مع خيالى
=-=-=-=-=-=-=
باكون مجنون واكون غضبان
ساعه هايم وساعه حيران
عاشق ومغرم ب بنت الجيران
وكلامها لى يحلالى
=-=-=-=-=-=-=-=
اوقات بكتب عن الاوطان
عن سوريا عن ليبيا وعن لبنان
وطول العمر ببكى عالميدان
وبحمد ربنا على حالى
=-=-=-=-=-=-=-
انا مش مفتح مابين عميان
ومش مستنى حرفى يبان
واكون فارس ولى حصان
لان احساسى موالى
=-=-=-=-=-=-=
انا بتمنى رضا الرحمن
وعشقى لقلمى اكيد ادمان
ولانى بحب الوصف من زمان
بحب الكلمه بين السطور بتلالى
=-=-=-=-=-=-=-=-
وانا لاشاعر ولا فنان
ابو الصلح