مش كفاية
ـــــــــــ
مش كفاية إني أرسم ضحكتك فوق شفايفي
ولا إني أردد كلمتك فوق لساني
أو أشوفلك العالم حواليك بعيوني
عاوز أعيش العمر بحاله وأنت جوه كياني
رسماني لوحة في جدار خيالك
ماتشوفيش إلا صورتي في عيونك
عاوز أكون حلمك ضحكك فرحك
عاوز أكون الكون في أيديك
مش بس مجرد فكرة تمر بخاطرك
وفي لحظة تضيع زى أوهامك
لا دانا البسمة المرسومة فوق شفايفك
والحلم الضايع زمان الصبا منك
أنا رسمة منقوشة من نور جوه في قلبك
أنا حضنك الدافي في ليلة شتا
أنا معذور والله في حبك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شعر / محمود مسعود شعر عامي 17/4/2015
ليست هناك تعليقات:
إرسال تعليق