((ياطير)) يا طير يا طاير ف السما بقلم جيهان الصبان

((ياطير))
يا طير يا طاير
ف السما
أنت ف سعاده وهنا
وال أنت بائس زينا
قلبك مليان حزن وألم
وال أنت بس كلك نغم
ياطير بيرفرف بجناحين
نفسي أكون مثلك تمام
أطير معاك ف أي مكان
أطير وأرفرف بجناحين
بلا هويه ولا عنوان
،،،،،،،،،،،
ياطير يا واقف
ع الأغصان
غرد وأنشد أحلي الألحان
صوتك كله جمال وأمان
يا طير يا طاير
ف السما
اوعاك ف يوم تدي أمان
وتصدق انسان جبان
ياخدك م الفضا الواسع
ويحطك بين القضبان
ويقولك خايف عليك
من الديابه والغربان
خليك ف الفضا الواسع
تشدو وتصدح
بالأنغام
،،،،،،،؛؛،،،،
ياطير يا رمز الحريه
إديني من وقتك شويه
عرفني حاسس بإيه
وأنت مهاجر ف كل مكان
بدون قيود ولا حتي هويه
يكفيك إنك بجناحين
تغزو الدنيا بجناحاتك
وتقضي أجمل أوقاتك
وما تزهق من مكانك
أوطان الدنيا أوطانك
بدون فيزا
ولا حتي جواز
،،،،،،،،،
أسعد مخلوق أنت ياطير
عايش حر ف فضا كبير
تغرد تنشد بلحن جميل
مع أخوانك وياأصحابك
مافي حقد ولا غِل دفين
أسعد مخلوق أنت ياطير
سبح كبر ليل ونهار
خاف من إنسان
دايما غدار
ممكن يصطادك
برصاصه
وتودع ف يوم جناحاتك
وتكون عايش ع كوكبنا
في سجن كبير
حوليه قضبان
‫#‏عاشقة_الوطن‬
بقلم
جيهان الصبان