قمره قنديل الليالى
قلبى نسر ف الانتظار
يحكى اسراره لعيونك
عينيه راح تشبك عيونك
لما تشرق م المحار
دانة الدنيا حبيبتى
أغلى أسرار البحار
اسمحيلى بكلمتين
أشكى فيهم دمعتين
دمع شوقى لنور عيونك
دمع حيرتى فى ليل ظنونك
الحكاية يا مصر إنى
عشقت فيكى الضحكتين
ضحكة الشاب السمارة
ويا طلعة النهار
ويا صوت الفجر يمحى
عتمة الليل إللى طال
والبنات الخجلانين
بالدثور متحنيين
بالحجاب تشرق عيونهم
والعفاف نور عالجبين
نور بشاير يمحى جهل الدجالين
مهما كان الجهل طافح فى العينين
اشعار ورباعيات اسامة حسنى
ليست هناك تعليقات:
إرسال تعليق