&& حبوب السنابل && بقلم / عزت بد العزيز حجازي

وفَر الولاد من شق المندره ..

وراحوا لحَد القنطره ..

ياكلوا من شجرة التوت ..

لقيوها ناشفه مغبَرَه ..

عليّله من كُتر النخوره .. !!

والحمام ..

لسه على جبين النهار ..

بيحلم باللمَّه ..

وبالآمان ..

وبحبوب السنابل ع العيدان ..

بالثوره .. مش بالمسّخَره .. !!

وانتي يا امايّ ..

يا كُتر همِّك ..

والذنب عُمرُه ..

ما كان ده ذنبك ..

ده ذنب اللي باع ..

واللي اشترى ..

واللي طاح ..

واللي افتَرى ..

واللي فتح باب المقبره .. !!

ده ذنب اللي خَان ..

واللي عَان ..

واللي دبح الأدان ..

واللي قطَف زهر السَّوسََنا .. !!

فيا ترى ..

يا هلترى ..

الليّل لساه طويل ..

واللا الحكايه ..

حاتموت بحد المقصَّله .. ؟!!!!