النيل ماجاش---------لـ/ النيل ماجاش

النيل ماجاش
لما الربيع..
بيمر على ارضك هنا

بسمعه بيقول اهات
زرعك .. زهورك ..
عبير عطورك..
فيها صرخة من جذورك.
واحنا في عز السكات.
وضلمة حلت ع الليالي..
تاهت نجومك..
دابت شموعك..
واحنا في النوم والسبات.
حسينا زي ما حسيناش
همنا .. ما يهمناش
حتى نيلنا ..
شكله ح يروح في البلاش
قدمولنا طبخة سخنة موجوجة
بسلطة و حباش
واحنا كلنا ..وسدينا جوعنا
كلنا حتى ما سميناش
يا خوفي يبقى نشيد بلادنا
تعلى بيه أصوات ولادنا
وتعلى بيه راية بلدنا
يبقى عنوانه وبدايته
(النيل ما جاش)