قلبى اتــوجع
=======
بـاقــول آه يــا قـلـبى *** ومن الآه قـلـبى اتــوجع
بـاقــول آه يــا قـلـبى *** وقـلـبى آه ضـرب الـودع
مشى بـطـريق واعـر *** وبنار الحب ياناس اتـصرع
ومن قـلبى قُـلت الآه *** ومن الآه قـلـبى اتـوجـع
قلبى اتــوجع
قـلت مالك يـا قـلـبى *** ولـيـه انـت دايـماً وحـيــد
وفين حبايبك يـاقلبى *** اللى كنت معاهـم سعيد
راحـوا فيـن وسـابـوك *** وبتـضـرب عـليـهـم الـودع
ومن قـلبى قُـلت الآه *** ومن الآه قـلـبـى اتـوجــع
قلبى اتــوجع
فـاتـوك حبايبك بـدرى *** يـا قلبى قبل الأوان بـأوان
وسابوك للحيرة تانى *** وحُـبّك عـلـيـهـم هــــــان
ولا نزلت من عيونهـم *** دمعة ولاحد منهم اتفجـع
دى الآه صعبة ياقلبى *** ومن الآه قـلـبـى اتــوجـع
==============================
كلمات شعبان المصرى
ليست هناك تعليقات:
إرسال تعليق