مبارك يا ابنى ليا وليك ***** بقلم ******الشاعر محمد البلاط

مبارك يا ابنى ليا وليك
.................................
يا عمى دمعتك ديا فى قلبى نار

ورغم الفرح والزينه
بتسكن ليه جوانا تانى الاحزان
متبكيش على زهره
دى مهره وانا ليها خيال
...............................
يا ابنى وابن اختارته
بعينى ويدى فصلته
عارف ان الادب طابعك
والسىء ناسى سيرته
............................
خلاص يابا ما تألمنيش
دموعك جرح جويا
وعارف ان قلبى حسيس
ولو على الغربه بتبكى
اجيب سامى معاك ونعيش
..............................
دموع الفرح مش احزان
والعيشه اهى عيشه
معايا او فى اى مكان
لكن بستانا بات محروم
من الزهره
و من ضحكه كانت بجنان
............................
يا عمى زهرتك عندى
فى نن العين والقلب
ولو تريحك شورتى
بنتعشى حداك ونام
.......................................
مبارك يا ابنى ليا وليك
وزهره سلمتها فى ايديك
امانه تصونها ترعاها
ورب العرش يرضى عليك
مبارك يا ابنى ليا وليك
بقلم محمد البلاط