انا شاب مصرى بقلم / عماد رمزي

انا شاب مصرى
اتعس شباب عصرى
كبرت قبل اوانى
و الهم شيلته من بدرى
***
وبموت فى الثانيه
مليون مره
وعايش فى بلادى
حياه الغربه
***
وأحلامى جوه بلادى
تابوت مدفون
وان قربت فـ يوم منه
مليون يقول مجنون
***
وعمرى شايفه بيتسرق منى
وقطر الحياه قرب ينزلنى
وانا لسه معرفتش طريقى
ولا المركب اللى هتوصلنى
***
وديما زمانى غاصبنى
امشى طريق انا مش عايزه
وحبيبتى ديما مش ليا
وحلمى ديما مش طايله
***
حقيقى انا المصرى
حقيقى انا الحـصرى
الضحكه مش سيبانى
ومن جوايا ببكى من همى
والحمدالله على لسانى
وديما بصبر بيها نفسى
واقول بكره هيتعدل زمانى
وهطول كل اللى فـ نِفسى
‫#‏عماد_رمزى‬