فينك يا زمن الطيبة
لياليك حلوة عجيبة
كنا نعرف معني العيبة
بقينا في دنيا غريبة
فينك يا زمن الطيبة
كان الحب فيك ياما وكتير
والإخلاص موجود وضمير
ووشوش فيها بهجة وتعبير
مش حقولك علي التقدير
فينك يا زمن الطيبة
كان البال فيك مرتاح
الكل عاطي التاني براح
لو غاب نقول فين راح
ولا إساءة ولا جراح
فينك يا زمن الطيبة
كان الحب كتير موجود
ولا ترسمت بينا حدود
والكلمة بالف شهود
والناس تروح وتعود
فينك يا زمن الطيبة
بقلمــــــــــ
شرف الدين أبوحمدون
ليست هناك تعليقات:
إرسال تعليق