&& طفل صغير &&
ــــــــــــــــــــــــــ
لاقيت طفـل صغــير
بيعيـط فـى الظــلام
بقوله مالك يا روحى
قـــال والله حـــــرام
&&&&
دمـوعـه كانت نـازلـه
بتجــرى عـالخــديـن
فى ايده لعبه قديمه
ومكســـوره نصـــين
ولبسه قديم وباهـت
وقلبـه جريـح حـزيـن
&&&&
طبطبت عليــه وبـوسته
بقـوله رايـح علـى فـين ؟
قـال مش عـارف طريقى
وأهلــى كمـان ضـايعين
ربنــا أخــــدهـم منـــى
وتركنـى وحـــيد حــزين
مش لاقى عطف ورحمه
ولا كلمـة شـوق وحنين
&&&&
بكيت وأخدته فى حضنى
واتمنـيت يبقــى جنبــى
اقـدملـه كـــل حــــاجــه
وانسيــه حـرمـان سنين
&&&&
بصيت له لاقيتنـى زيـه
محــرومه مــن الحنـان
وحيده فى دنيا قاسيه
مـن غــير عطف وأمـان
ابص الاقينــى لوحـدى
مـابين أربـــع حيـــطان
ولا حـد يقـول يـا بنتـى
ولا ضحكه من الجـيران
&&&&
اليتــــم صعـــب جــــدا
مـن غـير حضن يـدفيــك
ولا ايـد تـاخــدك معـاهـا
وأمـــان مـن أهــل ليــك
محــــروم مــن الحنيـــه
وولاد كتــــير حــواليـــك
بيقـــولــوا بـابــا ومـامــا
وأنت بـدمــــوع عينيـــك
تجرى وتبكى مش لاقى
حـــــد يطبطـب عليـــك
&&&&
فـى المدرسـه والشـارع
أطفــال كتــير حـــواليــك
يجـروا علـى حضن دافى
وأنــت تطبـــق ايـديـــــك
على حضن فاضى خالص
ودمــوع نـازله مـن عينيك
&&&&
تتعـــــذب كــــل يـــــوم
ومــن الفرحـــه محــروم
ومــش بيجيـــلك نـــــوم
والقلــب جـريــح مكتــوم
ومليـــــــان بــالهمــــوم
آآآه يــا ابــويــــا وأمــــى
من غيركم عايش مظلوم
أميره عيد شقير
ليست هناك تعليقات:
إرسال تعليق