كلمات مضحكة عن أنفعالات الزوجة بقلم / مسعد ابو همسة

 

 

كلمات مضحكة عن أنفعالات الزوجة
-----------------------------
ليه بتجيبي الحق عليا لما بقصر
أنا من كتر عمايلك فيا دمي اتعكر
===============
شرسة وعاملة علينا قوية
وضيعتي انوثتك يا ولـية
لو كنتي المرأة الحـــديدية
أنا ممكـن تـلاقيني مازنجر
ليه بتجيبي الحق عليا لما اتزرزر
---------------------------
سهران جنبك للصبحية
مش عارف أنام ليله هنية
أمتي بقا تشيلي اللــحمية
منخيرك علي طول بتصفر
ليه منخيرك ليل ونهار سيباها تشخر
---------------------------
ارحمي نفسك م العصبية
وبطلي تضربي فيا شوية
ليه تخليني أشوفك ريا
مش ناقص غير تعملي عنتر
ليه بس العصبية دي بتجيب ضغط وسكر
------------------------------------
بقلم / مسعد ابو همسة