تعبت
****
يا ناس زهقت ------ يا ناس تعبت
الدنيا صعبه ------- والحظ زفت
انا طهقت ------- انا اتخنقت
خلاص تعبت ------- خلاص ارفت
خلاص بصمت ------ ويمين حلفت
ماشفت راحة ------ ولا يوم فرحت
يمكن حاولت ------ يمكن جازفت
وف كل مره ------ اقول فشلت
أبدأ أعيد ------ مشوار جديد
واقول نجاحي ------- أكيد ... أكيد
وابدأ طريق ------ أملي الوحيد
واقعد ارتب ------ - واعيد وزيد
وف قلبي خوف ------ - وشعور عنيد
والدم يغلي ------- جوه الوريد
وليلاتي احلم ------- والحلم عيد
والحلم فرحه ------- وطريق بعيد
وف لحظه الائي ------ نفسي اتخنقت
يعني وقعت ------- يعني فشلت
يعني الحقيقه -------- إن اتهزمت
كان عندي حلم --------- وكأنه فلم
و لأني طيب -------- يمكن جملت
يمكن رضيت ------ و لاّ اتنازلت
وكتير سهرت ----------- وكتير حزنت
وكتير فشلت ------------ لما اتخنقت
اللي في يقيني -------- إني اتهزمت
جويا خوف -------- من غير ما شوف
رغم الكآبة ------------- رغم العزوف
بستني بكره --------- وهتبقي..... فل
والفرح يجي -------- ع الناس يطل
رغم الكآبه ----------- موجود تفائل
والدنيا وحشه ------------ من غير مشاكل
واللي عليها ---------- لازم يعاني
وان مره سبها ---------- يطلبها تاني
فيها دموع ----------- فيها أغاني
مولد يا عمي ------------ يخلص ثواني
والكل راحل -------------- والكل فاني
طول --- عمري ----------- شايل
و البخت تايه -------- والحظ مايل
والهم صحبي -------- عامل عمايل
لا عمره سبني --------- وبجد هايل
ما شفت منه -------- إلا الجمايل
لو مره سبني --------- اجري وحايل
واسأل عليه -------- كل الزمايل
وسنين تمر -------- وانا قلبي حر
وإن قلت افارق -------- ارجع و اجر
وأكلت علقم --------- وشربت مر
دي حاجه صعبه -------- دي حاجه ذل
وحاولت أصبر ------- علي كل ضر
رغم المصائب ------- نزّله .... تقر
انا بردو صابر ---------- رغم المخاطر
كان ليا حلم ------- والله ..... قادر
يفتح طريقي ------- والقلب حاضر
والمولي عالم --------- كل السرائر
******
بقلم / طه ابراهيم
ليست هناك تعليقات:
إرسال تعليق