صابرين بقلم / شرف الدين ابو حمدون

صابرين وقلنا يمكن بكرة تتعدل
والدنيا مش راضية تحن وتعدل
وانا الي عشت فيها كتير متبهدل
زودتي حملي وخليتى الحيل يتهدل
قولت اروح لصاحب يشيل حملي
لما جاب حملة التقيل فوق حملي
الفرح ياناس كان منايا وأملي
ولا عمري انا قصرت في عملي
الدموع عملت طريق فيا تجري
والعمر دخل في مسابقة يجري
وياما كتير مشيت حافية رجلي
وكونت اصبر وأقول قدري
تعاملك يادنيا كان معاي رسمي
كان ايه يعني حيحصل لو تحني
مش كفاية انك منسياني إسمي
وغيرتي كل ملامحي ورسمي
نفسي اللعب مباراة ولو اتعادل
واحضن ناس وبالتهاني اتبادل
لكن الدنيا مش راضية تبادل
ادينا عايشين علي أمل تتعدل
بس يا خوفي يتسرق الأمل ويتبدل
شرف الدين أبوحمدون