بحبك *** من ديوان ليالي الحب لــ ،،،عصام عبدالله

بحبك

**********************

بحبك

وبحب الليل اللي بيحضن
م السما دنيتك
وبحب الفجر لما بيرسم
فوق رموشك ضحكتك
والشوق في عنيك
وصاني عليك
حبيت الدنيا وحبيتك
بحبك
يا فرحة الأيام
لما أجيب سِرتك
تميل مع الانغام
حروف ندي إسمك
غاليةوهواك غالي
والغمزة ع الخدين
ولا كان علي بالي
يأسرني نور ضيك
شوقي سألني عليك
سهرني علي بابك
الورد من حواليك
يتوضي بجمالك
والشوق في عنيك
وصاني عليك
حبيت الدنيا وحبيتك
بحبك
**************************
من ديوان ليالي الحب
لــ ،،،عصام عبدالله