روح الروح
-------------
عديت بحور الصبر
أنادي وأقول انتي
شراعي ومجدافي
وقلبك يا أمي سفينتي
احساسي بيكى كبير
يا سر الوجود انتي
رويتيني من عطفك
وعمرك عليا ما بحلتي
لو قولت فى يوم الأه
ألقاكي جنبي ما نمتي
بتبدلي الدمعة بالبسمة
وحتي فى قسوتي لنتي
تحاولي تخففي عني
همي يا أمي يا حبيبتي
تداويني بكلمة حنان
يا بر الأمان كونتي
ألمي معاكي بيهون
يا ساكنه الجفون انتي
حب الوطن والدين
والناس ليا علمتي
يا شمعة أمل في
طريق الخير نورتي
يا أجمل وأطهر قلب
لو خاف قلبي طمنتي
دأنا مهما أقول وأتكلم
بقولك حتى في صمتي
روحك دي أعظم روح
ياأمي يا غالية يا حبيبتي
ربك فى الكتاب ذكرك
ووصاني أصون عهدك
وأخدم تراب قدمك
وأدعي ربنا يصونك
يا غالية وأشوف سعدك
وأنول الرضا منك
يا روح الروح
ياأمـــــــــى
يا أمى
----------محمودعمار الزلبانى
ليست هناك تعليقات:
إرسال تعليق