Nabil M. Salaheldin Ibrahim
نام يا صغيري
نام لان العرب
باعوك ولان دنيتك
ضاقت عليك
ولان حلمك
مبقاش ليك
نام يا صغيري
نام لان حلم العرب
بقي الفرقة عشان
دولار ولا دينار ولا حتى درهم
بقينا بنبيع انفسنا ونسينا شعوبنا
ونسينا دينا ونسينا اننا كنا ايد واحدة
اه والف اه ثم اه يا عرب
كان يوم اسود يوم متفرقنا
وكان يوم اسود لما قلنا رجال
الدين اخوان ولا سلفيين
وطلع من عبايتهم كمان
حوثيين ويا داعشيين
اه مهي كلها بقت مصالح
وعمر دة ميكون دين
نام يا صغيري
فالدين عمره مكان
بذقون ولا مقشات
ولا واحد يبيد شعبه
عشان محدش يقوله هات
اه ثم اه يا عرب
خليتوا الغرب
يبيدوا فيكم ويدمروكم
عشان نسيتوا دينكم
وجريتم وراء بطونكم
وبقينا كل يوم نسمع عن
بلد عربي يباد بدء بالعراق
قم سوريا ثم ليبيا والان
اهي عمان وبيحاولوا ع
بلاد الاسلام
نام يا صغيري
كنا بنقول زمان
جيل بعد جيل
بيخوض المستحيل
واليوم بقي يعدى جيل
ومن وراه يأتى الدمار
ويا الفرقه واحنا بقينا
مجرد متفرجين وباكيين
اه يا عرب واه يا مسلميين
غابت بسمتنا وغابت طموحتنا
لان قبلهم غابت وحدتنا ومن قبلة
نسينا انفسنا وكمان نسينا دينا
نام يا صغيري لان قلوبنا
ماتت ولان من قبلها
ماتت كمان ضمايرنا
اه يا عرب
ماتت قلوب الناس
وماتت فينا النخوة
يمكن نسينا فى يوم
ان العرب اخوة
نام يا صغيري
فلك رب كريم
ارحم من العباد
ارحم من ناس
ما بقاش بقلوبهم
اي رحمة ولا حتى نخوة
بس افتكر ان ربك
كريم يمهل ولا يهمل
ومهما ماتت ضمايرنا
عمر قلوبنا محتكون
كلها بسواد ناس تانيين
ميعرفوش اي دين
نام يا صغيرى
نام فربك كريم
ايوة ربك كريم
وحسبنا الله ونعم الوكيل
ولا حول ولا قوة الا بالله العلي العظيم
كلمات : نبيل محمد صلاح الدين ابراهيم الفار
بعد مقتل وغرق الطفل السوري عيلان كردي
«3 سنوات»
ليست هناك تعليقات:
إرسال تعليق