لو تجيني
لو تجيني حتلاقيني
البعاد زود أنيني
زود المر ف سنيني
مستني طلة من العيون
تخلي طعم المرار يهون
ويرجع القلب الحنون
يبتسملي ويراضيني
*******
قلبي شافك قال عوافي
ع الجميل أبو نبع صافي
اللي شهد حلاوته شافي
ده ف كلامه طعم سكر
وف ايديه ياسمين مزهر
خلى كل الكون يعطر
مش راح اقدر له أوافي.
*******
قلبي طاير في المكان
من غرامك و الحنان
معاكي بيهل الريحان
والربيع شوفته ف عيونك
والجمال ساحر جفونك
ويبقى لون الورد لونك
بدر نور في الزمان
********
خلاص هيرجع الاتصال
ونبدل الهجر لوصال
ونلغي كلمة الانفصال
علشان تروق لينا الحياه
ونرجع الحب اللي تاه
ونمشي نفس الاتجاه
من غير مناهدة أو فصال.
ليست هناك تعليقات:
إرسال تعليق