فين بلد الامان
ودار عمى
وخالى كمان
لما كانت اللقمه
تجمعنا
وعلى الحب واللمة
لا تفرقنا
فين دار الأمان
لما كان جدار بيتنا
سطرين ومكشوف للجيران
وأمى ام لكل الجيران
ولقمة العيش
تكفى الشارع تمام
وأوزع قبل ما أشبع كمان
فين دار المحبة والسلام
وجارى اللى بيسأل عليه
وصاحبى اللى سافر
ونسى ملامحى قوام
حتى أختى وأخويا
ما بيهتموا كمان
فين دار الحكايات واللمه
والطهارة بين الناس والذمة
فين دار الحبايب
لما كنت أصحى بدرى
وراكية النار جنب أمى
والعيش سخن كمان
فين دار الحنان
والسؤال عن أهلى ياناس
ولما مات جدى
حزنت كل البلد زمان
هتقول ياسلام
معرفتش معنى اللمة
وحنان الأم أمان
الأم أم بس صدقنى
ضاع الأمان
من بلد الأمان
مرفت محمد.
ليست هناك تعليقات:
إرسال تعليق