(جايلك يا باب السيدة) ,, بقلم الشاعر /علي عسكر

(جايلك يا باب السيدة)23/3/2016بقلم الشاعر /علي عسكر

اللي باين من بعيد للي مش عارف حكايتي 

انه حب ..

بس شوفي كام وجع من تحت حب ..

زي حضن الشمس لما تسمع غنوة الماضي الحزين ..

ف ابتسامتك كام الم ..

وادي القلم ..

عاجز يوصل حبنا ..

من بين خفايا القلب يطلع ضحكنا ..

ويشوفه كل الناس يقولوا عني انا ..

اني بحب.. وبعد حب اشتقتلك ..

نفسي اسالك..

هوا انتي حلوه ازاي كده !! 

جايلك ياباب السيده.. 

علمتني معني الحياه ..

من بعد اه ..

اشتقت لضلوعك.. لصوتك.. لابتسامتك 

للعيون السمر.. لاديكي يا حور ..

زي ماتقولي القمر 

_ بعد التعود انه يطلع بالدفا_ 

اعلن جفا.. بعد الظهور ..

انا كنت خايف اعشقك..

دلوقتي دايب ف اشتياق ..

وكاني مستاجر حبيبة للفراق ..

للناس يبان اني حبيب ..

عجز الطبيب عن وصف ما في قلبنا ..

يا عشقنا .. من شاف بريق النار وهيا بتقيد ف القلوب !!

الحب يمكن لسه متشاف بالعنين

والرسمه تطلعلي كسوف ..

واجهت خوفي وقولت لازم اعترف رغم الظروف ..

قيدني خوفي اني اقولك باعشقك ..

ينعل ابوه دا اللي اسمه خوف ..

وجع الحنين زي الدوا ..

غار الهوي من فرحتي ويا القمر ..

لو تسالي الليل عني انا 

راح يعترفلك اني دوبني السهر ..

واشتقت ليكي بابتسامه حلوه صافيه تعيد ف قلبي نور وجودك من جديد ..

الليلة عيد.. وانا بعشقك ..

طب لو ماكنتش بعشقك.. والله ماكان يتسمي عيد ..