******الهوا الممنوع******* ------------------------ محمودعمار الزلبانى

******الهوا الممنوع*******
------------------------ محمودعمار الزلبانى 
قعدت أقول يا خلق 
وأعلي بالندى صوتي 
وكلمة فى سقف الحلق 
هي إللى مسببة سكوتي 
إتسلقت حياتي سلق 
ليه تتسببوا في موتي 
-------------------
ميت بقى لي سنين 
ومتحاسب على اللي راح
وفاضل في قلبي آنين 
دفنوا معايا جراح 
متكفن بدمع العين 
والضحكة إتغيرت لنواح
-----------------------
ميت في الهوا الممنوع 
وفاكر الدنيا نسياني 
وياما هدت سفن وقلوع 
وفاكره من البشر عنواني 
أهرب في كفور ونجوع 
أتريها شيفاني وكشفاني 
----------------------
طب أشكي لمين همي 
والكل في الهم شايل
لا خال نافع ولا عمي 
والدمع ع الخد سايل 
وعوازل تعكر ف دمي 
بالهم تكتب رسايل 
-------------------
يا دنيا فكي قيودي 
خليني أحس بحياتي 
ولا مرة توفي بوعودي 
فكرك كله ف مماتي 
كرهت فيكي وجودي 
وبقيت أعد ف سعاتي 
-----------------
يا فرح مالك ناسيني 
ومفرح بس عزولي 
تعالى حتى واسيني 
الحزن محطة وصولي 
طب وري طيفك عيوني 
ودمعة ع الخد فاتولي 
*****************
محمودعمار الزلبانى