…… .(فرقونا)…… ..
فرقونا ولخبطونا
فى الديانه بتاع أبونا
مرة شيعي مرة سني
عيشوني وكل همي
إن افول يالا'إلحقونا
وابقى كاره جزء مني
وابقى منه ومخاصمني
يبقى دمه هوه دمي
يبقى شكله شكل مني
ويقولوله إني ظلمته
ويقولولي إنه ظلمني
وان عمره مايآمني
نفسهم لو يضعفونا
ومرة تانبه يقلبونا
بالوساوس يخدعونا
حتى فى ديانة أبونا
تلقى مره يقولوا شيعي
ومره تانيه يكون شيوعي
مره يؤمن بالخميني
ومره بيكسر ضلوعي
أو يكون إنسان وجودي
يعني ربه هوه كونه
يعني كفره كان بإيدي
يعني يوم يكسرلي عودي
واجري اقول يالله إلحقوني
والدسيسه تبقى عاده
لخبطونا فى العباده
شوفنا بعض كل ماده
كره زايد وبإفاضه
موتوا فينا الإراده
عرفونا ان السعاده
تبقى منك تبقى فيك
صعب يبقى لك شريك
أصل مره يبقى منك
مرة تانيه يكون عليك
وهيه دي تبقى الإفاده
صنعونا من جديد
العواطف من حديد
فى العروق يمشي الصديد
تبقى آلي مش إنفعالي
فى الحياة عمرك يزيد
وانت ترضى تكون خيالي
أو هترضى تموت وليد
أو تفكر بإرتجالي
عشان تكون إنسان جديد
يعني ﻻزم تبقى آري
يعني ﻻزم تستفيد
بس من تأليف خيالهم
يعني عملك من عملهم
لو يضرك همه مالهم ?
فهموك كدا تبقى عالي
لوتعيش عمرك تسالي
المهم يحيرونا يلخبطونا
فى الديانه بتاع أبونا
فتحوا أبواب جهنم
فى التعصب يبقى أسلم
والخيانه مش خيانه
بالمشايخ ربي أعلم
من كلامهم فيه إهانه
يعني عمرك يوم ماتندم
بالسلاح تاخد المكانه
هوه ينفع لك صلاة
لما تمتلأ المثانه
يعني ﻻزم للحياة
قوة واحنا معاك إعانه
ويسيبوك علطول بتحلم
فى الفشل يعطوك حصانة
وان فشلت الله أعلم
تبقى سني والا'شيعي
المهم تكون بتفهم
يعني إيدك بعد إيدي
مش بفكرك أو بدينك يوم هتحسم
يعني إيدك جوه قيدي
وان كرهتك يوم هتندم
يعني ﻻزم تعبدونا
وانسى مرة تقول سيبونا
فرقونا ولخبطونا
فى الديانه بتاع أبونا
واحنا زي حمير حداهم
متساقين على كيف هواهم
لما يفتوا نقول وراهم
حتى لو ذقنا آذاهم
أو فى دينهم مركوبين
كل فتوى نقول آمين
حتى لو أفتى كوهين
والا'سارتر والا'بيجن
تبقى فتوى والله زين
فى المدارس يلغوا دين
تبقى صوره ع المدارس
قالوا يكفى جملتين
واللي عايز يبقى سايس
يبقى ورقه فى إيد لعين
تترسم فيها الجوايز
لو بعيد عن كل دين
يعني حزب الله تعادي
والعداء للمسلمين
فى السجون أو أي وادي
كل واحد عنده دين
مره روح يالله ونادي
بالتعصب للحسين
وان مافدشي يبقى عادي
إنت سنه إنت دين
همه فرس وانت من مكه سعودي
يعني مسلم همه شين
من زمان كان الأعادي
للحدود صناع بلين
زرعوا فتنه فى كل وادي
وقالوا أرضك تبقى فين
والحروب فوق الأراضي
والدماء على كل عين
واحنا لسه نعيش نعادي
ولسه مش عارفين كوهين
إنه عايز يبقى هوه
اللي بره واللي جوه
واللي يقدر يبقى قوة
اللي ياخد بالإيدين
أي شيء يعمل حياتة
أو يكمل به صفاته
نفسه يبقى هوه ذاته
واحنا نبقى له هجين
لخبطونا فى الديانه
مالقتش عارف الصح فين
مابقتش أفرق وبإمانه
بين يزيد ولا' الحسين
… .(شعر)…… ..
عبدالله السايح
ليست هناك تعليقات:
إرسال تعليق