&&يوم_ميلادك && بقلم / سعاد قنديل

عن الولد اللى
يبارك فيه ربى ويخلى
يوم ما جه للدنيا
الملايكة زادوا واحد
والبشر ما زاودش
تشوفه تسمي وتصلى
وتدعى إن الهم ما يزورهوش
فتافيت بؤه بتحلى
والعسل بدونه ما تستطعموش
إلى الولد اللي يعيش واقف
والدنيا بتخليه ناشف
ولو يوم يزعل منك
يطلع وينزل علي فشوش
ملوش في الكدب والتمثيل
والضحك ادام الوشوش
واد مجدع واد جدع
قلبه يشبه قلب الودع
لولي يا بخت اللي يفوزه بيه
يداريه ، و يخبيه
ولا مين شاف ولا مين سمع
مفيش منه شبيه واحد
والعمر في وصفه ما يكفيهوش
اللي له في قلبي
ميت براوز
غرقانه في حبي ومحاوطاه
برمش عنيا مش بإزاز
الي اللي يشبه جنى البحر
خرج منها وخطفنى
عشان أقاسم معاه الفرح
ومن احزانى ينشلنى
إلي اللي عمري عنه ما غيبت
حتي في عز اوجاعه
بيدعى ربى يطمننى
فأحس صوته يكلمنى
وينشرح اوي قلبي
شايفاه ولو متخبي
وحاضنى ولاففني بدراعه
وأول ما عيني بتشوفه
بسمي عليه واصلي
واقول يا خلق ما تأذوهشى
ده ساكن في قلبي ورموشي
وببعت كل يوم مرسال
لفوق في السما الزرقا
ولو حتي بقي لينا عيال
هشوفه وسطهم اشقي
ما أنا عارفاه
تربيتي هو وحافظاه
بتلمع جوه عينيه برقة
وهو بيقول وحشتيني
يا أمي وسر تكويني
فاقوم واخده اوي ف حضنى
ما انا عارفاه اوي اكمني
خرجت من بين ضلعه
بكون شفايفه ، لما يتبسم
ولو يحزن ، انا دمعه
واوقات ليه بستسلم
واشد عليه اوقات ضعفه
واقولله مليش غيرك يا حبيبي
هنايا إنت ونصيبي
ما هو شايفني اجمل ست
بيحب فيا اوي عقلي
ولما ازيد في جنانى
ع كتفي يقوم ضارب
ويقوللي اتعدلي يا بت
انا لدلعك مش طالب
عارفة الساعة كام دلوقت
انا اعمل ايه بقي في حبه
وبموت اوى انا ف ضربه
واغلس عليه كمان ع النت
الي الوحيد اللي بدعيله
ولاسمه بتمني إنى اشيله
واجيب منه اجمل بنت
ورغم انها بنتي
هغير عليه وهي بتلاعبه
وهقعد انا علي قلبه
واقولله البت دي رخمة
واقرصها من غير رحمة
عشان اشيلها من وشه
قال ايه ما بيطيقش ، لو تبكي
والله لو ينفع إنى انا اشكى
هقول البت دي ضرة
ويا تبعد عنه ، يا حرة
الي اللي طير ابراج عقلي
ودايبين فيه البيضة والسمرة
انا والله هموت قهرة
انت لى وحدى و ملكي
جننتني وحسيت إنى
معاك شربت كاسين ويسكى
وبرغم كل اللي حكيته
لسه فيه كتير حكايات
ده هو اللي حبيته
من قبل حتي نقول سلامات
وفي يوم هسكن انا بيته
ويقوللي يا ست كل البنات
يوم ميلادك الملايكة زادوا
والبشر احتاروا كل الحيرات
‫

&& (( ماهو باين )) && كلمات / محمد السعيد

بتحبني .. ماهو باين
_______________
بإمارة بعدك عني
بإمارةغدرك بيا
طبعا انت فاهمني
ومش هتضحك عليا

************

بتحبني .. ماهو باين
______________

بإمارة كل عذابي
والجرح اللي جوا قلبي
ولا همك يوم غيابي
ولا همك تكون جنبي

************

بتحبني .. ماهو باين
_______________

اهي كلمه وبس تقولها
ولا انت عارف معناها
لكل حاجه دليلها
لياليك تعبت معاها

************

بتحبني .. ماهو باين
________________

راجع نفسك من تاني
لو قلبي حبيبي يهمك
ويوم ماتحب بجد
هيبقى هوايا في دمك

&& يا شجرة توت && بقلم المبدع / ياسين عبد الوهاب السيد

يا شجرة توت في غيط جدي وحشتيني

وسامحيني .......ياما أذيتك برمي الطوب

تـــــــــــهزي الفرع تديني ولا بتشكي

تقولي عبي ومتقولش كده كـــــــــفاية

ده الـــــــــــــخير كـــــــــتير وبزيادة

ومين عارف ده رزق مين ومستني

طب أوعى تكوني دبلانه عشان سيبتك

أنا فاكرك ومـــــــش ناسي مهما الغربة

بعدتني وغاب جسمي

أنا كاتب على جذعك حــــروف أسمى

ومن غيرك شمس الغربة حرقانى

وفين ضلك ؟

ياريتك كنتى ويايا وتحميني أنا بحضنك

أنسى ألمرو أفتكرك يا طرحة توت وضلاية

خلاص هانت وبر جعلك وأعبى الكيس من تاني

وختامي سلامي من قلبـــــــــــى يارب سلامى

يوصــــلك

&& كافل اليتيم && بقلم / عصام يسد محمود السنان

نبينا اتولد يتيم وشفيعنا يوم الدين

ويوم الحشر تلاقيه ساجد لرب العالمين

تحت عرش الاله يقوله ياأرحم الراحمين

ياربى امتى امتى يرد الاله أمين

اشفع ياسيد الخلق ياأشرف المرسلين

وصانا نبينا الزين وشاور بالاصباعين

أنا وكافل اليتيم فى الجنه متساوين

ومين اللى ميحبش يبقا مع نبينا الزين

أوصيك يا أ بن ادم بكفالة اليتيم

تلقى السعادةفى الدنيا والأخر من الفايزين

&& قسِّم همومك && بقلم / عزت حجازي

شايل همومَك وحدك ليه.. ؟!

أمال وجودنا ده جنبك إيه .. ؟!

قسِّم همومك ..

جفف دموعك ..

قربنا خُدنا فرحه في عيونك ..

ليه تبكي وحدك دمع العين .. ؟!

عشرة سنينا ..

قصة حنينا ..

مدوبانا دُوب في اتنين .. !!

وما دُمت منا ..

روحك في روحنا ..

بلاش تشمت فينا اللايمين .. !!

قلبي اللي حبَك ..

قلبي اللي عشقَك ..

بيحس بيك من نظرة عين .. !!

ومهما تداري ..

مهما تخبي ..

بقراك يا روحي بشعور عاشقين ..

قسِّم همومك .. ؟!!!

&& ملعون أبوكي يادنيا && بقلم / صفاء عبد ربه

ملعون أبوكي
ملعون أبوكي يادنيا
لما تِعَلي الواطي
والعالي عايزاه يطاطي
ملعون أبوكي
لكن بردوا عمرنا
عمرنا ماهاننكسر ولانطاطي
والواطي هايفضل واطي
ومهما كان الثمن
مهما كان الثمن ياكرامه
عمري كله
عمري كله فِداكي
ولا يوم الواطي فيكي يادنيا
ولا يوم يكون قاضي
ملعون أبوكي
وأبو إللي يطاطي
ملعون أبوكي
لما تعلي الواطي
والعالي عايزاه يطاطي
ماهي الموازين فيكي مقلوبه
والعدل
العدل ماعاد له معايير
والإحساس في الناس مات
ومات فيهم الضمير
والخفير بقي وزير
والوزير يقولوا عليه حقير
ملعون أبوكي يادنيا
وملعون أبو إللي مايدوس عليكي
دا الزباله بقت فيكي كتير
والواطي فاتح صَدره
عايز يعمل من نفسه أمير
ولا عاد فيه دم
ولا عاد حد علي العرض يغير
ملعون أبوكي يادنيا
لما تعِلي الواطي
والعالي عايزاه يطاطي
ملعون أبوكي
وأبو إللي يكون له أمل
في خير يوم فيكي
ويقعد يحايل فيكي ويدَلِل
ويصبر نفسه
علي أمل بكره الفرحه تِمَيل
أتاريكي يادنيا ليكي ناسِك
وأنا إللي وحدي فيكي
علي الظلم بالصبر ماسِك
ملعون أبوكي يادنيا
وملعونه ليوم الدين
طول عمرنا فيكي
وإحنا شقيانين
والحساله ياما
ياما إداتييهم شقانا
وإحنا عُمرك
عُمرك ماإداتينا شيئ
وكنا راضيين شاكرين
لآ . إداتينا
دا ياما بكيتي عنينا
ولا عاد فيكي عدل
ولا عُدتي خَلاص تِعنينا
وكفايه
كفايه بقي
كفايه عَذاب وشَقَيَّ
وجور وظُلم فينا
ملعونه يادنيا . ملعونه
هوا عيبنا إن إترَبينا
ومالينا في البَلطَجَه
ولا الهَمبَكَه
ولا شغل الأونطَجَه
ملعون أبوكي يادنيا
ملعونه ليوم الدين
إنتِ وإللي مايصدق
ورايا . ويقول أمين
ملعون أبوكي
لما تِكوني قاضيِ
تِظلميِ الشَقينان
وتعَليِ في الواطي
تقولي علي الشقيان
أصله ياعيني غلبان
ونِسيتي
نِسيتي إن هوا دا الإنسان
بِكفايه بَقَيَّ يادنيا
بِكفايه ماتعِدِيِ
شَيلتينا الهَم بَدري
ولِسه بتزيديِ
مَلعون أبوكي
وأبو إللي يحِبك
دااإحنا ياما إستوَينا
إستَوينا مِنك ومِن كِدبك
مَلعونه ومَلعون أبوكي
عَماله تِهِِديِ فينا
هِديِ يادنيا ولا يهِمك
هِديِ فينا كمان هِديِ
دا ظُلمك لينا ياما
ياما وماتِعدي
ما خلاص
خلاص يادنيا
أنا راح أسيبك
ويااااااااااارب
يارب من غيري تِسِديِ
هِديِ يادنيا هِديِ
يارب من غيري
من غيري تِسِديِ

&& حبك ده غير حبى && بقلم / شادى

حبك ده غير حبى
قلبك ماهيسعنيش
انا قلبى طير رحال
نفسه يطير ويعيش
بيموت ف نسمة هوا
ويحب كل الناس
وملوش ف كتمة قفص
والسجن والحراس
قلبك مايشبهنيش
ولا عمره كان ليا
انا ف الحياه عايش
للناس ومش ليا
حبك ده غير حبى
قلبك مايشبهنيش
الذنب مش ذنبك
انا اللى شيخ درويش
‫

&& رسالة منّي إليها && بقلم / عبد الوهاب الطريقي

أيّ شاعرة أنت؟
وهل يعقل أن تكوني غجريّة
بلون البوح الورديّ
وأن تكوني جميلة
إلى حدّ لا يقبل الجدل
من ستنازعك من النّساء
إن كنت جميلة جدّا،
أنيقة جدّا،
شاعرة يشهد لها القلم
ساحرة تنطق بالدّرّ حين تتكلّم،
تأسر القلب حين تظهر
تترك أثرا بلا نهاية
أعترف لك أنّني سقطت في حبّك
وكأنّني أهوي في بئر بلا قاع
كأنّني في نزهة خالدة
مع طيفك بين السرّ العلن،
بين أنفاسك السّاخنة،
وما تنثره من عطر في كلماتك
اتركي لي شيئا يقال
قلمي قد تعثّر منذ اكتشفت حرفك
لم يعد يكتب كما كان
لم يعد يجد الحبر ولا الورق
لساني تلعثم
لم أعد أجيد نطق الكلمات
حتّى أنّني لم أستطع
أن أقول لك إنّي عاشق،
حتّى أنّني لم أعد أعرف الأوان في غير ثيابك
وجمالا إلاّ في وجهك
وشيئا أتدثّر به غير شكل الفرو
حين تضعينه على كتفيك في المساء
لم أجد عطرا في غير عطرك
ولا راحة في غير وجودك
فأيّ النّساء أنت شاعرتي
لا أصدّق أنّ الشّعر هو من جعلني أحبّك،
بوصلتي صارت تحدّد وجهتي في الطّريق إليك
بوحك الصّامت الغامض الثّائر
ولباسك الأنيق وقدّك الأهيف
ونظّارتك السّوداء حين تغطّي عينيك
و تبرز شفتيك بلون المرجان
وجبينك بشكل الهلال،
وجيدك بشكل آلة موسيقيّة
فاقتربي منّي أكثر
كي أكتشفك أكثر،
كي أعيد ترتيب كلماتي
وصياغة قصائد أخرى
بلون لباسك المزهر...

&& صابره && بقلم الشاعر / محمد البلاط

صابره وصبرى جويا

وشايفه نفسى فى مرايه

وعقلى يحوم فى مية قصه

والف حكايه وحكايه

واقول هجره ما هيطول

ويرجع ليا كما الاول

واستنظر وبفكر

وابص لنفسى جوايه

واحس بنفسى فى مرايه

واكلمنى واطمنى

راجع لى تانى بهنايه

وصبرى يطول وشطى يثور

على صمتى بموجة فكر

ما يحجزها شعاع من نور

يضىء لقلبى الفكره

هجرنى خلاص ورماني

ولا ناوى يجى بكره

واقول للنفس فى مرايتى

ما انا بكره ويجى بكره

اصبرنى تانى ببكره

وموج الفكر الداخل

على بكره ملوش اخر

وصابره وصبرى جويا

بالف حكايه وحكايه

&& ماكانش حب && بقلم / خالد الكردي

ماكانش حب
اللي بينا من مشاعر
لما كنتي بتشوفيني
كان ساعتها قلبي حاير
م اللي يوم بكت عيوني
وانتي برضه كنتي حايره
عاوزه قلب يكون معاكي
عاوز ه قلب يكون خاضع لك
المهم ينول رضاكي
قلب عاوزه تجرحيه
لو يقول لاء تبعديه
المهم يكون مكانه
لعبه وانتي تكسريه
كنت فاكر لما اقولك
عن مشاعري تقدريها
لما اقولك قلبي حبك
تحلفي لي هاتصونيها
بس ياخساره لقيتك
ناكره جاحده لاي قلب
خلتيني بجد اقول
اللي بينا ماكانش حب

&& مجرد حلم && بقلم / عصام غريب

بحلم بيوم
من غير هموم
لا فيه خصام
ولا حتى لوم
لا غدر حبيب
ولا جرح يدوم
لا صاحب خان
صاحبه ف يوم
ولا آشوف فيه
ظالم ولا مظلوم
وآلحق يكون
للناس معلوم
وآلدين للناس
يكون مفهوم
يارب قرب
هذا آليوم

&& دنيا العجب && بقلم الكاتب / أحمد بيومي

دنيا وفيها العجب .. وكل شيء للبيع ..
أجساد وأخلاق وعقول ..
سوق كبير وكل شيء حتى الضمير للبيع ..
ولو قاومت شويه ..
تلاقي شياطين الإنس قبل الجن بيوسوسو لك ..
متعملش فيها جدع وشريف ..
الحق نفسك يا جدع ..
و قبل ما السوق يقول جبرنا يلا الحق بيع ..
دنيا بقت مجرد سوق ما تعرف فيه من أصيل ..
ومين قليل الأصل وضيع ..
لو مكنتش واعي وحريص قوي على نفسك ..
تتسرق في لحظه وعمرك فيها يضيع ..
أخطر ما فيها إن الوشوش بقت عيره وكثيره ..
إشي إسلامي .. وإشي ليبرالي .. وإشي علماني ..
وشوش على كل لون يا وديع ..
عموماً البس الوش إللي تحبه ..
لكن فى كل الأحوال ..
إباك تخسر نفسك أو روحك ..
لإنك لو خسرتهم ..
موش راح تلاقي حد يشتريك ..
ولا حتى راح تساوي حاجه في سوق الشراء والبيع ..
وعجبي ..

&& إن يوم سمعتى && بقلم الشاعر :م/ محمد حسين الزين

إن يوم سمعتى إنى فجأه بقيت عريس
ماتدمعيش
وماتزعليش
اصلا ملاك لشيطان علاقه ماتبتديش
مانفعش اكون ليكى ... وإنتى حتى ماتنفعيش
ده انا الهوا والخنتريش
وإنتى الملاك بجناح وريش
قلبك بياضه ينور ألف بيت بنور مابينطفيش
كفك رقيق لمسه حنان منه ف حياتى ماتتنسيش
رمشك بيسحر من العيون 100 ألف جيش
وإنتى الملاك وانا حبى ليكى مايساويش
فماتزعليش

&& الله ... يسامحِك && بقلم الشاعر / محمد رمضان

آآآآآه ... يا اللى
ساكن قلبي
حُبك .
كنت فاكر
إني ساكن
جوه قلبِك .
كنت فاكر
إني ب أجري
في عروقك ...
زي دمك .
كنت ب أحلم
أرتوي من ...
نبع حُبِك .
كنت ب أحلم ...
كنت ب أحلم ...
كنت ب أحلم .
كانت الأحلام
كتيره ...
أبقى ... شمسك
أبقى ... ضِلك
أبقى وسط العتمه
قمرك .
جوه ليلك
أبقى فَجْرِكْ .
و لسنين عُمرك
ياعُمري ...
أبقي عُمرك .
إني أَقَضي
حياتي جنبك .
أبقى ليكي
حبيب و أب ...
أبقى صاحبك
أبقى أخوكي
أبقى ... إبنك .
كان في نفسي
ياحُب عمري
زي م إنتي
حلم عُمري ...
أبقى حِلمك .
كنت فاكر
يا حبيبة العُمر ...
إني أغلى
شيئ في الدنيا
عَنْدِكْ .
بس للأسف
الشديد ...
كنتي إنتي
حلم عُمري ...
بس عُمري
م كنت حلمك .
كنتي إنتي
كل قلبي ...
بس عُمري
م كنت قلبك .
كنتي بالنسبه لي
دايماً كل حاجه
و للأسف
ف ... حسباتك
كنت ... نقطه
ع ... الشمال
ي ... دوب
في ... رقمك .
حرف مطموس
المعالم ...
جوه سَطْرِكْ .
كل جرح يهون
عليَّ ...
إلا ... جرحِك .
مش ... ح ... ألومك .
مش ... ح ... أعاتبك .
الحقيقة جرحتي
قلب ... حقيقي
حَبِكْ .
ب ... صِدق ...
عِشقك
مس ... ح ... أقولِك
الوداع ...
يا جرح ... عُمري
مش ... ح ... أقولِك
الوداع ...
يا وهم ... عُمري
مش ... ح ... أقول
غير ... ألف شُكر
الوداع ............
يا حُب عُمري
الله ... يسامحك .

&& 1000 آسف && بقلم / جمعه العراقي

1000 اسف

علي كل شئ
لاني كنت معاكي شويه جريئ
وانتي ملاكي البريئ
عمري ماهنسا حروفك
ضروري انا لازم اشوفك
حتي لو حطو علي قلبي السيوف
هاشوفك وعمري ماهموت من الخوف
بس تتحسن الظروف
هتلاقيني انا الملهوف
هتلاقين باجي ليكي
اكمل حياتي بيكي
هاتشوفيني هاتحبيني
بتمني تكوني نص ديني
صدقيني انا ليكي ملهوف
بس هي الظروف
انا بتحدا الكون
لوهايقولو عليه مجنون
انتي المحبوبه وانا المحبوب
انتي اطيب القلوب
انا عاشق لكي لا اتوب

&& اكتب ياقلم ودون صرختي && ﺑﻘﻠﻢ / هشام الشيخ

اكتب ياقلم ودون صرختي وسجل اهاتي ولوعتي واكتب و واسطر ع جبين الزمان ال مشفت منه يوم واحد حنان دايما جرحني وقاسي عليه ايها الزمان مستكتر عليا فرحتي وبتاخد من حب عمري ال عشته من سنين ضيعته من يازمن ف غمضت عين لية من كل البشر يازماني بيعجبك دمعي واحزاني وحرماني طيب خد كل شي بس سبلي ال روحي بتهواه وبتتمناه تعيش وياه لو حتي ثواني خليني افرح ف يوم يمكن انساه قسوتك عليا يازماني حببتي مهما بعدنا الزمان عن بعضنا حبك ف قلبي باقي حتي تخرج اخر انفاسي يامن ملكتي روحي واحساسي هفضل احبك رغم الزمان القاسي ولن انساكي مهما طال الزمان وهيفضل حبك مسيطر ع نبضي وكياني بحبك ودا اخر ما اكتب قلم ع 
جبين الزمان بدم قلبي وبروحي وبكل احساسي .

&& مش ناسى && بقلم / حاتم صلاج

مين قال ان انا ناسى
بالوجد انتى ساكنة احساسى
ونبع الغرام روانى مليت كاسى
وبال جاير تدور بالافكار راسى
ازاى تقولى انا ناسى
انشغل لكن اعود بالميل
سهد لليل ىالبعادقاسى طويل
كتر سؤال قلب ضناة عليل
شمسى حارقة وشوقى لظلك ظليل
بس ازاى انا ناسى
فاضت المشاعر بشوق فاق الحد
لهفتى لزهور وورود الخد
تقربنى خطاوى اعدها عد
وان يهادى الكلام يرد الود
ولا ساعة كنت انا ناسى
عايز اكون جمبك لكنى ما قادر
صعبة الجياة وليها بوادر
ذهنى ليكى صافى كل اوان حاضر
وراحة ان اشوف شيئ نادر
لكنى مش ناسى

&& (( ياقمر )) && كلمات / محمد السعيد

ياقمر فيه اللي أحلى منك
حبيب قلبي وعمري
نور عيونه حاجه تانيه
ماستغنى عنهم عمري

وتحلى سنيني وهو جنبي
نوره ينسيني الجراح
احلى حاجه حسها قلبي
فرح غير كل الافراح

كل الجمال ده عشاني
والحب اللي جواه
دي الفرحه مش سيعاني
لما بكون معاه

كلامه بسلم ليه
من غير ماقوله ليه
حقيقي بضعف قصاده
بحبه واعمل ايه

ياقمر فيه اللي أحلى منك
حبيب قلبي وعمري
نور عيونه حاجه تانيه
ماستغنى عنهم عمري

&& أشجان والفارس && بقلم/ نادر المغلوب

كان ياما كان
كان في زمان

بنت جميله أسمها أشجان

من حلوتها ومن رقتها
غلبت كل بنات الجان

هتبقي عروسه للسلطان
وتتوج ملكة أوطان

وقبل ما تتجوز لسه
قالت أنا رايحه أتمشي
طلعوا عليها أتنين شبان

وجريوا وراها في البستان
فضلت تصرخ وتعيط
بسرعه جالها راجل غلبان

حاربهم بالسيف والخنجر
وكان أشجع الشجعان

قالت له شكرا يا أسمك أيه
قالها فارس الفرسان

وبعد كده عدت أيام
والبلده في مهراجان

وجه فيه الفارس الغلبان
ونادت ليه بسرعه الملكه
وقالت جيت ليه أنسان

قال بصراحه عاشق ولهان
ولما شوفتك جالي جنان

قالت أنا أسمي أشجان
وحبيتك وبقلبي حنان

وجه شافهم السلطان
وحكم عليهم بالإعدام

ويومها جه غزو جبان
وراح مات فيها السلطان

والفارس جمع الفرسان
وحارب وهزم الطغيان

وتنازلت الملكه أسجان
علشان يبقوا أتنين عرسان

&& فكرت كثير && بقلم الشاعر / مدحت فضل

فكرت كثير ازي احل مشكلي

بطريقه . ادري. بعيب .شكلي

وكانت .الناس. كلها بتضحكلي

الناس. كانت .بتعذرني. بعقلي

كنت. ساكت .وبشوف. عملي

لا عمري. عشت .بيوم كسلي

دنيتي.. جميله. وعايش باصلي

يوم .بعسلي .ويوم .في. بصلي

فيا.. عيوب.. لكن.... ليا..خصلي

ومهما.. يكون... انسان ..بفعلي

ومش.. مهم...عيبي ..و شكلي

واعمالي .. بالنهايه ...بتحكملي

وربي . اللي.. يحل ...مشكلي