ع المحور
*********
وأنا واقف وحدى ع المحور
شوفت بعيني..... بدر منور
بيشاور ....ويقول لي تعالي
نتمشي شويه .......ونتصور
من فرحة ..قلبي وعيوني
بعيونه ...وبلونها الأخضر
دقات قلبي ..عليه دلوني
أبو شامه وهامه بتتمخطر
قرب قلبي .......... حبه بحبه
م اللي عيونه م الشوق حابه
يبقي ما بينا ....غرام ومحبه
واشغل قلبه وف الليل يسهر
قرب قلبي.......... أكتر وأكتر
م اللي هواه من غير ما يفكر
لجل مايسمع ......كلمة أحبك
م اللي شفايفه... شهد مكرر
مديت ايدي ....لطرف ايديه
لجل ما اطمن....... نن عينيه
بس يا ناس مش. عارف ليه
قمر الليل ..ما رضيش يتهور
قلت اتحايل .....تاني عليه
حطيت قلبي ف كف ايديه
قال لي بسرعه.... عاوز ايه
قلت له عاشق قال لي افكر
من يومها... والقلب الأخضر
حالته بتصعب..... وبتدهور
وليلاتي.... ع المحور يسهر
وعيونه ..........ع البدر تدور
************************
رضا أبو الغيط
ليست هناك تعليقات:
إرسال تعليق