*بعــد نوة شــتا *بقلم / شاعرة النيل: امل فرج

*بعــد نوة شــتا *
**********
رويته من حبى
كأنه وردة مزروعة
جنيت البكا والحزن
لاء ده الانين والقهر
و بذرة الاخلاص منزوعة
كما الاعصار
يقلع شجر
بحور شجن
اااه يا قلوب مخدوعة
وفالاعصار قلبى
شجرة حزينة مهمومة
راحت لوردها قلتله
سقيتك من عيونى
ولما كبر بُرعمك
اشواكك دبحونى
مقهورة
بتمايل و بتحايل
ومين اختار
دنيا متغربة
وحبك نار
ليل من غير قمر
صبح من غير نهار
باشواقى مأسورة
ملأتش منه رد
ومشتكتش لحد
اه يا شجرة مظلومة
وقفت صده للتيار
ولما زادت النوة
جذورها جفت
والدموع انهار
وتتسئل تحتار
هنا كان عشها
على اغصانها إنهار
حلفت يمين لتحارب الاشرار
دنيا ليها العجب
تزرع تحصد لهب
وينتهى المشوار
وعدت النوة
ونبتت الشجرة
وقلبها حيران
هتعيش كده بلا جذر
ورمشها سهران؟
وقفت بين الورود تتغنى
يارموش السهرانين
خلاص نسيت الانين
والزهر عـ الاغصان غنى
عصفور بنى عشه هنا وغرّد
بين التغريدة والتغريدة تنهيدة
لاوراقى بتجدد
والربيع زارها
العود بقى للسحاب
والحزن عنها غاب
والورود طرحة
بعد نوة شتا
اتبدلت فرحة
يا محلا الدنيا بالاحباب

شاعرة النيل: امل فرج