يا دخانجية----زجل الدكتور صبرى إسماعيل

يا دخانجية

****

إضراب لله يا دخانجية --------وفى كل بلادنا العربيـة

خربتّوصدورنا بدخانكوا--------من غير تفكير ولاحنيّة

مش عارف أيه متعـتكم أيه---فى سيجارة ودخانها بليّة

الدين بيقول منكر ودمار----- وضرر عـلى كل البشـرية

وحرام لفلوسنا نضيّعها -------على كحة وبلغم ورديـّة

والطب كمان قال أخطارها -----وكتب ع العلبة الهبا بية

وفلوسكم لو شايفينها كتير----إعطوها لأولادكوا هـديّة

أو جيبو اللحمة ياكلها الواد -----وشوية فول بالطعمية

ويذوقوا الوزّ مع الشوربة-----أو أرنب جوه الملوخية

أوشبشب بيت أوجوز شّراب--------ينفع أيام الشتوية

ما توفّرقرشك يبقى مفيد---بساعات الضيق الضرورية

وبدل ماتمدّ إيديك الاتنين-------وقّفّ حالاّ إنساها هيّه

وإذا كان ولابدّ الناس تمـسك-------------حاجه قسيّة

إمسكوا هزّاز أوعود مصـاص---أوحتى شوية عسليّة

وإذا كنتم مش خايفين منها----خافوا من رب البشرية

********