غلطه
****
طيرَك في سمايا جارح ..
وقلبَك في هوايا طارح .
أشواك من غير ورود .. !!
تاني ما قدرش اسامح ..
تاني يا ابو قلب جارح ..
تاني ما قدرش اعود .. !!
يكفي عُمري اللي راح ..
تكفي وياك جراح ..
شبعت كدب وأماني .. !!
كلمه ومش راجعه فيها ..
عزي قلبَك عليها ..
إنسىَ ترجعلي تاني .. !!
والله لو إيه ما قاسي ..
منك يا ابو قلب قاسي ..
واصبُر من غير حدود .. !!
حاصل جمعَك قُصادي ..
غلطه باينه في حصادي ..
دمعه فوق الخدود .. !!!!
****
كلمات
عزت عبد العزيز حجازي
ليست هناك تعليقات:
إرسال تعليق