يعني إيه بوحشِك؟!غنائيات عزت عبد العزيز حجازي

يعني إيه بوحشِك؟!
***************

يعني إيه بوحشِك ..

وانتي صوره في الخيال .. ؟!
يعني إيه بوحشِك ..
وانتي شئ من مُحال .. ؟!
كان نفسي مره أصدقِك ..
وافرد جناحي ع الجمال ..
كان نفسي مره أفهمِك ..
واقنع في قلبي من زمان .. !!
كان قصدك ايه م الهوى ..
وانا بين إديكي م الهوى ..
بسقي في عنيكي بحور حنان .. !!
ولا مره مكرك يوم حلا ..
ولا مره عشتي ليا انا ..
والعِش طار منه الحمام .. !!
إرجوكي تنسي اني أكون ..
قادر أعيشلِك بالجنون ..
واستنى كدبه في العيون ..
مش قادره تاني تبيع كلام ..
يعني إيه بوحشِك .. ؟!!!
****
غنائيات
عزت عبد العزيز حجازي
20/3/2015