&& واوات && بقلم / محمودعمارالزلبانى

ياللى حبيتو قبلى
أحب ولا بلاش
ياللى بحرى وقبلى
انصحنى ما تنكرهاش
----------
خايف لاتوه وحدى
والحب ما يتوصاش
خايف ينهدم سدى
وأدور على الوناش
------------
يا أهل الخير دلونى
منكم طالب نصيحه
الحب فين ودونى
انا خايف انزل طريحه
--------------
ورونى الطريق وسيبونى
ودى منكم تبقى مليحه
دا البردان دفونى
وعرقى يعبى صفيحه
--------------
يا ولاد الحلال قولوا
ليه الدنيا غداره
سهران الليل بطولو
ودمعة عينى محتاره
-----------------
حبيت ولا حد قالى
اوعى يكون بخسارة
وحبيبى نايم تملى
عبيت نومه فى شكاره
----------------
وجانى قال يشكى
بالل تحت عينه بريقه
انا قولت له احكى
ومطفى بعينه بريقه
------------
نصاب حريف قرارى
الخبث هو طريقه
بايع لنفسه ودارى
ومخبى الخيانه لشقيقه
------------------
لما انت غاوى الفراق
ليه على قلبك تاكلنى
وبعد قلبى ما راق
ترمينى للحدادى تاكلنى
----------------------
علمت قلبى الغرام
وقربك نسى الحيره
صدقنى بعدك ارحم
نار بعدك ولا الغيره
-------------------
اشكى لمين صبرى
والقلب جوايا حزين
نهر الدموع يجرى
وغرقان بقى لى سن