بتقولى يا جميل كلمات / الشاعر : هشــام الألفي

بتقولى يا جميل
يا شاعر الحب >>>. اوصفنى
ع الامراء وعرفنى
وقول فى جمالي شعر بجد
وابعتلى جواب وفية الرد
ارفعى برقعك يا صبية
خيام لبساها أنسية
اخاف عليـك يا جميل
لتقع فـ غرامي سنين
هكشفلك البرقع
ونبدأ برمش العين
دة شاف رموشها يا دوب
سرح و فـ الملكوت
ورتلة نظرة عين
داخ وكان هيموت
قالتلة قوم يا جميل
كمل فى اوصافى
مسك ربابة وغنى
فى حسنها الدافي
قلبة رق يا ناس
كأنة شارب كاس
من يوم ما شاف جمالها
مالهش ام واب
وشعرها المفرود
زي سلاسل دهب
عليها والله شفايف
محمرة ربانى
وصدرها متزين
بحبة رمانى
واخاف يا ناس اكمل
فى جمالها اكون جانى
بعتلي ابو زيد حراسة
قالى قول يا جميل
سمعنى اية وياك
قالة يا أبو زيد
هقولك كلام من نار
دى صبية لما تشوفها
ليلك هيبقى نهار
دة صوتها تسمعة
كأنة صوت كروان
والقمر لما سمعنى
غيم وصبح النهار

كلمات / الشاعر : هشــام الألفي