لكني عايشه
**********
أنا صابره عليك ياما .. ووخداني ليك الدوامه .. وبعافِر مش لاقيه بر .. ولا لاقيه يا واد شربة مَيّ .. لكني عايشه ومستنيه .. وفارشه عليك الحنيه .. وان تعبتني الملاغيه .. بدمع بعيوني .. واقول ليه خدوني .. لعنيك السود الملاليه ؟! .. آه يانا آه منك يا حبيبي .. لو كان بصحيح أمري يهمك .. ولا كُنت يوم تحيرني .. ولا كان هواك يمررني .. وتبيع وتشتري فيا .. !! يا صغيره أوي عالحب .. ولا كان في بالي أحب .. ولا اموت عليك وأشِب .. واحلم بالدُنيا الورديه .. !! ياما قالوا عليا مجنونه .. وبلف جوا الحلزونه .. وبعمل عجين الفلاحه .. وماليه بجسمي الطُراحه .. ولا عُمري شُفت في يوم راحه .. وانت ولا بيك قاسي عليا .. لكني عايشه ومستنيه.. !!!!
****
غنائيه عامية من كلمات
عزت عبد العزيز حجازي
10/3/2015
(حقوق النشر والتأليف محفوظة)
ليست هناك تعليقات:
إرسال تعليق