صَعبان على قَلبي جَفاك .. وَأنا اللي طول عُمري بَتمنى رِضاك
عَوِدت عيني نَعيم قُربَك .. وسِبت القَلب يِجري ورا حُبَك
قُلت كتير أنا عَشقاك .. وروحي تِسعد بِحنان لُقاك
عَيِشتِني بوَهم هَواك .. وسِبتِني بناري وشوقي أستناك
بَستنى حَبيب غاب عني .. لا فاتلي فَرحِتي ولا سابني لحُزني
كُنت بَدفِن روحي بِأحزاني .. صَحتني قُلت ابتَسَم ليا زماني
لقيت نَفسي بَعيش كِدبة .. خَيال ولا حَقيقة كتير صَعبة
داويت بحُبَك حِرماني .. بَقيت بطيبتي على روحي الجاني
بَنادي عليك مِن قَلب وَحداني .. رَجَعني لحُزني الحيرة مَلياني
بَسأل عَن سَبَب صَدَك .. القَلب داب بِسنين بُعدك
ارميني بعَذابي وشقا روحي .. مَيهِمَكش ألمي وجروحي
أنا عَليل حُبك ساهِر الليل .. دَمعي عالخَد وحالي ويل بويل
كان ذَمبي بَس انِ حَبيتك .. أجمَل شُعور اديتك ؟
ازاي تِنسى قَلبي وهواه .. وانتَ أرضه ونجومه بسماه
صُعب عليه هَجرَك وأساك .. وهو اللي مِن جَرحَك داواك
أيوة القَلب داوى بيك جَرحه .. ونَساك حُزنَك بليالي فَرحه
بقى بحُزنه يِقضي الليالي .. يِشكي للنجوم أحوالي
لا عاد له حَبيب وقَريب يفتكره .. ولا عاد له دوا يخَفِف جَرحه
عليل سَهران بوِحدتي .. بَسمَع في صَمت ليلي صَدى أنِتي
مُش هَقول امتى حبيبي تجيلي .. ولا هَقول من البُكا دابِت مناديلي
وارجَع وأقول .. صَعبان على قَلبي جَفاك .. و هَعيش عُمري أهواك
·
ليست هناك تعليقات:
إرسال تعليق