يا معشر اللايمين
إعقلوا الكلام حبة
مش آنتو بنى آدمين
متعملوش فعل الدبة
موتت صاحبها الغبية
وبتقول إنها محبة
كان لازم تفكرى
قبل ما توجهي الضربة
،،ويا مكتر الدببة
لكن بوشوش البشر
قافلين عقولهم ب ضبة
ما بيحسوش بأيوها ضرر
لما بيأذوا قلوب
بتموت من أقلها اثر
يا معشر اللايمين
قولوا استفادتوا إيه
من شوية هزار بايخين
وفاكرين دمكم إيه
شربات علي ياسمين
والحقيقة سم عليل
بس اللي يعقل مين
مع احنا في زمن البرود
أو قول اللاوجود
لاوجود للاحساس ؛ والتقدير ؛ والانسانية
ويقولك ده صافي النية
فهمنى إيه نيتك ؟!
وإنت مستهون الكلمة
ده ياما كلمة بتهد
ولا غايبة عن حضرتك
يا معشر اللايمين
ارحموا قلوب أضعف
من خيوط العنكبوت
ده انا لو ليهم هوصف
جواها بالبطئ بتموت
بتغرك اوي الضحكة
لما تطلع بصوت
يعنى لو بكوا لك دم
هتحس انك مبسوط
ولو فاكر الهزار ممنوع
هقولك ارجع للكلام واعقل
ديننا فيه السماحة
والبسمة كمان صدقة
ما تجيش بكل سذاجة
وتعوج الدفة
لازم تميز بين
الهزار والاستخفاف
والرقة والاستظراف
ولو شايفاها معضلة
نبدل عقلك بخشاف
ع الاقل يبقاله منفعة
آن مكانش في رصانة حكمته
يكون في طعمه وزينته
ليست هناك تعليقات:
إرسال تعليق