يااما فينك
.(بقلم محمد البلاط )
يااما فينك
فين حنانك بعد البيت ما اتقفل
الدموع سالت فى عينا
واتحنينا للبشر
والحنان منه اتحرمنا
والامل فينا اتكسر
كنتى بسمه
وضحكه ماليه لينا دنيا
كنتى كل العطف كله
والحنان لكل ثانيه
كنتى سبب فى الوجود
واحنا زهره وانتى عود
كنا ليكى لو نعود
تحضنينا
تحسسى بأيدك علينا
تسألينا
كنتى فرشنا وغطانا
كنتى فرحه ساكنه عينا
وكان املنا ما تسبينا
كنتى كل الامانى
كنتى حتى مخدتى
اللى بتحس بدموعى
وفيها راحه لوحدتى
هل عيدك
وكان لايدك الف بوسه وبوسه منا
اتحرمنا من حنانك
وفى املنا يوم عيدك
عند ربك ساكنه جنه
فى بعادك كثير ااااه حزنا
والفرح يظهر نسينا
بعد فراقك ما جلنا
يااما فينك وحنانك
بعد البيت ما اتقفل
افترقنا وكل منا خد طريق
بعد ما كنتى الحياه
والونيس لينا ورفيق
صبح اللقاء بينا عزيز
ولا عدش يجمعنا طريق
اتحرمنا من حنانك
وفى املنا يوم عيدك
عند ربك ساكنه جنه
ليست هناك تعليقات:
إرسال تعليق