رمز وعلم
بين النساء رمز وعلم
تعرف معانى الحنين
ولحبى ليها بتحترم
وان غبت بيزورها الانين
والشوق تداعبه بدمعها
تنسج شباك العنكبوت
للى يقرب منها
محكوم عليه هلاك وموت
قاصده تكرم حبها
ولو تراودها الظنون
بالف لون تصدها
وتحكى قصيدة حبنا
للوهم اللى فى صدرها
بين النساء رمز وعلم
وللرقى اكبر هرم
مكنونى انتى بتعرفيه
وبدون كلام بتحسى بيه
الصقر حاسد نظرتك
نفسه في يوم يتحلى بيه
القلب منى بتخلعيه
وانتى اللى حاسه باللى فيه
لو غبتى يوم عن مطرحك
بنار الغياب بتعذبيه
انتى اللى حاسه حاسه بيه
وبايديك انتى بترسميه
وعملتى واريدى قلم
وبدمى حبى بتكتبيه
وشريانى كان ليكى وتر
على كف ايدك شدتيه
بشمع المحبه بتدهنيه
وعزفتى اجمل سيمفونيه
فى الحب بتتغنى بيه
انتى القلم وانتى الورق
وانتى قصيده ما تتحرق
ساكنه فى قلبى وعايشه فيه
بين النساء رمز وعلم
ارفعله يدى واحى فيه
بقلم محمد البلاط
ليست هناك تعليقات:
إرسال تعليق