رسالة إلى آد م
---------------------محمودعمارالزلبانى
الشكوة طالت يا أد م
من ابن أفعاله أتغيرت
ابتدئ يدوس المحارم
ويعطل ايادى شمرت
ويعطل ايادى شمرت
زادت على يده المظالم
وعادات جميلة اتبددت
ظالم لنفسه ويا غيره
وفى قلبه ضلمة خيمت
من خيانته فر طيره
لان أيده لعششها حطمت
كرهت تعيش حتى في خيره
ونسيت ما عليه اتعودت
من غدره راح لوث هواه
بعوادم وأشعة اتبعترت
تخنق في طفل يئن اه
على خده دمعة أتحيرت
وبسم ابيض كان معاه
خلى عقول اتجننت
وابنك ياادم بس ليه
الأنا والمال حرفته
حتى آخوه ما خاف عليه
داهم منه سمعته
يزرع الشر يلاقيه
مارد يلضم سكته
راح وقرب على المياه
للنيل يعكر صفوته
والنيل د شريان الحياة
والخير بيجرى ف ميته
أجددنا قالوا عليه الاه
وصلوا وصانوا ضفته
ابنك ضميره رماه ورآه
رايح يلوث بهجته
ومد ايده في الغيطان
وبقسوة قلع زرعته
لان حلمه من زمان
يبقى الوحيدفى حتته
ويمتلك ارض الجيران
بالغش د الزور حرفته
وابنك يا ادم في المصالح
نايم مربع ع الجر يده
والتاني قاعد جنبه سارح
يفكر يدبرله مكيده
والتا لت في الخلق طايح
تعالوا بكره بالمفيدة
نشكى يا ادم قول لمين
الابن أفعاله جديدة
اللي راحوا من سنين
كانوا ف أمان وحياة سعيدة
أحنا حالا تعبانين
الهموم بقت الوحيدة
أرجوك ياادم قول لابنك
ما دايم إلا وجه ربك
قارون زمان فاتها بحالها
توب عشان ربك يحبك
ارحم بلادك صون جمالها
اسعى بخير ربك بجنبك
--------------------------محمودعمار الزلبانى
ليست هناك تعليقات:
إرسال تعليق