مُشْتَاق للشَّهادة كلمات عيد حافظ

‏

‏

مُشْتَاق للشَّهادة
كلمات

عيد حافظ
مع السلامة يابن مصر كلها .. مع السلامه
يا لِّلي اسمك .... هوه اسمُه وأبوك سلامه
سيدنا النبي وقلبه الرحيم صاحب الشفاعه
روحك بتفدي الابريا ... ولا عليك قيوم ملامه
شهادتك لأجل وطن ، ولأجلن تعلِّى الهامه
أسد الأسود ...
خير الجنود ,....
فى يوم موعود ....
ملايكة ماشيه فى موكبك
وأكاليل ورودنا هتحوطَّك
لمثوى الشهيد ...
فى يوم العيد ....
النصر وإشاراته ف جبينك علامه
مع النبيين والصديقين والشهيد
وبرغم لوعة قلبنا
ودموع مخلوطه بحزننا
لكن راح نقولك كلنا
يا بطل مع السلامه