أنــــــــا وأشعـــــــارى للشاعــــر المبـــــــــدع محمــــــد عبــد المنصــــف

أنــــــــا وأشعـــــــارى

للشاعــــر المبـــــــــدع

محمــــــد عبــد المنصــــف

أنا فى أشــــــــعارى
با تلون مع الأحزان
وبارســم لوحتى ف
حكايه عن الإنســان
بدأها يتيم وشوف أدم
خُدوه عنوان
بدأ مشواره ف الجنه
وحيد عريان
وشاف المر مع حوا
وكيد شيطان
وأول عشق ف قلوبنا
قتل إنسان
قابيل وهابيل أهم عبرة
بلاش نسيان
كلامى لو تدقق فيه
تحس بلوعة إلأحزان
تشوف الدنيا وعنادها
على الغلبان
بتاخد م اللى يحتاجها
وماينوبه غير إلأكفان
وتدى بسخا زهادها
قصور وجِنان
وقلدناها ف القسوه
ونسيان اليتيم بينا
وحبسناهم مابين جدران
ولو حنينا نتبرع
ونتباهى بلقب إحسان
يتيم إلأهل محتاجلك
لعطف وحب وحنان
تعالى المولى حذرنا
ووصانا عليه ف قرآن
وخد عبرة وإتمعن
أخى إلأنسان
يتيم الإهل بقى ذكره
فى كل أذان
وصاحب عزوه ونفوذ
طواه النسيان
*********

بقلمـــــــــــــــــــــــ

الشاعـــــــــــــــــر
محمـــــــد عبــــد المنصــــــف

هدى