خلاص
سيبني ياحبيبي وروح لها
مش حقولك ليه ماسبتها؟
لاني عارفة انك بتحبها
وعمرك ماتعيش من غير حبها
والعشق ساكن في قلبك وقلبها
خلاص ارجعلها وبوس ايديها وخدها
عشان تقبل تسامحك وترجع لحضنها
وانا.. ولاكأني كنت يوم حبيبتك زيها
رميت كل حاجة ورا ضهرك وبعتها
وضحيت بكل حاجة.. وهي بس صنتها
مابلومش غير قلبي وروحي اللي خنتها
عشت معاك كدبة كبيرة صدقتها
هانت عليك العشرة ..اللي بغدرك كسرتها
ونسيت قلب حبك وروح عشقتك وبايدك خنقتها
مش حتحايل عليك تاني بدموع عينيا اللي ظلمتها
ولا حتوسل اليك تفضل بحياتي اللي دمرتها
كفاية عليا كل أيامي اللي معاك ضيعتها
بس مسيرك تعرف ان اكترواحدة حبتك
..بايديك عذبتها
بتأسفلك يا قلبي علي كل طعنة بسببي اتجرحتها
واعذريني يا عينيا علي كل دمعة بايديا مسحتها
خلاص رجعت تاني.. لنفسي اللي خسرتها
صحيح راجعة مكسورة وحزينة
بس اكيد في يوم.. حياتي لازم حستردها
بقلم د.نيفين مطر
ليست هناك تعليقات:
إرسال تعليق