ممنوع گالت تتصل
علخاص هم ممنوع
كلتلها حبچ چاشني
كوليلي من يانوع
كالت علاقتنه انتهت
ظلمه اوطفينه اشموع
كلتلها عطشان اني الج
كلبي عليج ايلوع
صدكيني محمل فركتج
لوغبتي اظل موجوع
كالت اسامح غلطتك
عندك عقوبه اسبوع
كلتلها ارحمي حالتي
من شوكه كلبي ايموع
لحظات لوغبتي اجن
اشلون بس اسبوع
الرحمه فدوه ال خاطري
ابجاه المسيح ايَسوع
تدريني من دم او لحم
مو من صخر مصنوع
واكليبي بت بس حامله
خاف الصبح مكطوع
اومن غبشه لن جثه ابنعش
فوك الچتف مرفوع
اومن حبي كلبج ينحرم
اوعينچ تصب ادموع
اسم الله كالت يحفظك
تلغى العقوبه اسبوع
ليست هناك تعليقات:
إرسال تعليق