اه يالكلب**(وهج الرماحي)

**اه يالكلب**

كلمات سر العيون 

(وهج الرماحي)

اه يالكلب همك صعب ماتحمل الفركة 

تحن للما يحنلك ها ولَك اهدة 

ليش تشمت العذال وكلمن ماعرف حدة 

وليش تريد تمد الايد للي ما وفه بوعدة

بطل يا كلب لتحاجي العيون 

ولتخلي الدمع ينهد فرد هدة 

اكعد راحه بطل وبابك ها ولَك سدة

ممنوع گالت تتصل ()() الشاعر صالح الجابري

الشاعر صالح الجابري

ممنوع گالت تتصل

علخاص هم ممنوع

كلتلها حبچ چاشني

كوليلي من يانوع

كالت علاقتنه انتهت

ظلمه اوطفينه اشموع

كلتلها عطشان اني الج

كلبي عليج ايلوع

صدكيني محمل فركتج 

لوغبتي اظل موجوع

كالت اسامح غلطتك

عندك عقوبه اسبوع

كلتلها ارحمي حالتي

من شوكه كلبي ايموع

لحظات لوغبتي اجن

اشلون بس اسبوع

الرحمه فدوه ال خاطري

ابجاه المسيح ايَسوع

تدريني من دم او لحم

مو من صخر مصنوع

واكليبي بت بس حامله

خاف الصبح مكطوع

اومن غبشه لن جثه ابنعش 

فوك الچتف مرفوع

اومن حبي كلبج ينحرم

اوعينچ تصب ادموع

اسم الله كالت يحفظك

تلغى العقوبه اسبوع

الشاعر صالح الجابري

آسف گتلك،،،/باللهجه العراقية ()()() الشاعر ابو رؤى قاسم الدوسري

آسف گتلك،،،/باللهجه العراقية

آسف گتلك،،، وگتلك أعذر

لا تتوقع آنه أنذل

بس الحبك تيه دربه

وما يندل،،،

يمكن لما يشوف أعيونك

يوگف صافن،،،هوّ أنشل

تحاسبني،،،

ماگتلك عمري شلونك

عمري شلونك ،،،شنهو الحل

من غبت آنه وروحي أنسلت

ماشفتك،،،تنشد فد مره

ولا تسأل،،،

ظليت بوحدي بآلامي

بعدك ياعمري معلعل

وينك أنته وين أقوالك

أنت الآخر،،،والأول

الشاعر ابو رؤى قاسم الدوسري