سهرة مع شلوت
ياسلام ياسلام كده يابن الإيه
ياللي معاكش وعامل بيه
ياواد يارومانتك ليه بتتأنتك
قالي أنا رايح على الكباريه
قولتله كباريه إيه يابن الإيه
ده مكان موبوء راكبه الشياطين
يسهر فيه إللي مالوش دين
وكل لغاته لغة أرقام
هات خد ودي وقوللي بكام
تدفع كام تقعد قدام
ياجناب البيه ياكبير ياوران
ياسعادة الباشا يانجل فلان
أأمرنا نقول شبيك لبيك
معاليك تأمرنا مادام دفيان
تلاقي الشيشة مع الترويشه
والدخان ملا كل مكان
وأحلى سلام لفلانه وفلان
وبنات ركلام تحكي فى أفلام
وإن كنت آيست طلعت رقصت
الرقص البلدي ولا تويست
بس نسيت ياسعادة البيه
مامعكش فلوس ترميها عالبست
تلاقي بودي جارد الطول x العرض
يمرمط بكرامتك فى الأرض
وغصب عنك دافع دافع
لو مدفعتش تلقى مدافع
بوكس وركبة وكام شلوت
تصبح بعد العلقة مانافع
فهمت الدرس ياواد ياكيوت
ولا كلامي معاك مش نافع
ولا إستحليت الشلوت
أديك شلوت واهو كله منافع
بقلم طارق السيد
ليست هناك تعليقات:
إرسال تعليق