و انا فـــ حلمي
۩۩۩۩۩۩۩۩۩۩ عامية ۩۩۩۩۩۩۩۩۩۩انا فـــ حلمي
في زنزانة
و عيني بتنزف على حيطانها
بعرض القبر ،
و طول القبر
دموع الصبر
دموعي عليك تأنبني
أنادي
و لا حد يسمعني
و صدى صوتي
يقول المر
يشوف حلمي و يفسر
و مين فيكم
يا أهل الرؤى العارفين
أيامي و معانيها
كأني حزين
قضباني و لياليها
حكاوي قلوبنا
و غناويها
وأنا في حلمي
يرد العمر بالملايين
لأن الحزن جوايا
بقاله سنين
يقول آآآه
أقول أتنين
و أرد الهم في كتابة
و ترجع في الطريق واحد
حكاية حب
بتبكي عمرها المجروح
تسلم نبضها المدبوح
لأيامنا
بدال اتنين
يخربش فوق جدار العمر
و أنا فـــ حلمي
و أنا فــ حلمي و متحاصر
بشوف الهجر له ضافر
و يروي بين ظلام و نور
و همسة كانت تطوف الأرض
حكاية قلب كان فاكر
بانه حبيب
حكاية قلب كان بيتوضا
لقا و نصيب
تعود شايلة أمانينا
لطريق الهجر
نحضن الاشواق و ننسى
كل خوفنا و همنا
لكن واهمين
بان الحب جَمعنا فــ طريق واحد
نعود تاني في أحلامنا
بعرض القبر و طول القبر
تفارقنا
تناسينا
حياتنا و انتهت فينا
و طريق الحب
بقى طريقين
و انا فـــ حلمي
فـــ زنزانة
أداوي بدمعتي جرحك
و اقولهالك
و اجيلك و أخبط على ابوابك
و اباركلك
في يوم فرحك
يا الف ميت نهار مبروك
و يفضل دمي انا المسفوك
على اعتابك
يا حبيب الروح
فـــ بُعدك
بتقتل الف حلم و حلم
بقيت انا المدبوح
و انا فـــ حلمي
بنام ليلي وانا المجروح
لكني مش هقولهالك
و بيكفي اعيش وحدي انا ف الهم
و اكون بعدك فــ زنزانة
،،،،،،،،،،،،،،،،،
۩۩۩۩۩۩۩۩۩۩ أ / عبده جمعه ۩۩۩۩۩۩۩۩۩۩
ليست هناك تعليقات:
إرسال تعليق